sábado, 20 de diciembre de 2014

IKT-ko ebaluazioa


NIRE AUTOEBALUAZIOA IKT-an
Ikasgai honetan asko disfrutatu egin dut, ordenagailuen erabilera  desberdinak ezagutu ditut eta zenbait programa berri ere ezagutu ditut, esate baterako, sites, blogger, powtoon eta popplet bezalako programak. Nabarmentzekoa iruditzen zait klasean egindako blog partikularrak eskaintzen dituen askatasun eta aukera zabalak, behin bakoitzak nahi zuen gaia aukeratuta, gai hartako informazioa sartzeko inolako araurik ez egotea alegia, eta bakoitzak nahi adina informazio sartzeko aukera izatea.



Programa berriak ezagutzeaz aparte, jada ezagutzen nituen programen baliabide edo aukera berriak ikasi ditut, adibidez, word-ean dauden hainbat abantaila ezagutu ditu, hala nola, orri-jauzia egitea, oharrak jartzea edota estekak behar diren bezala jartzea. Gainera, sites-en trasteatzeko eta bertan gure lanak aurkezteko erreminta interesgarria iruditu zait, horrela, plataforma desberdinak ezagutzeko.



Azkenik, laburbiltzeko esan beharko nuke IKT-ko irakasgai honetan ordenagailuekiko trebetasuna garatzeko balio izan baldin badit ere, nire ekimenerako eta autonomiarako garapenean ere eragin oso positiboa izan duela eta hori gutxi bada ere, independentzia maila altuagoa izaten lagundu dit beste irakasgai batzuetako lanei aurre egiterako orduan.



IKASKUNTZA GURPILEKO TALDEKO KOEBALUAZIOA

Orokorrean, oso gustora sentitu naiz egokitu zaidan taldearekin, oso ondo funtzionatu dugu lana koordinatzerako orduan eta gure artean errespetuzko tratua egon da beti. Gainera ez dugu inolako arazorik izan lana antolatzeko eta kudeatzerako orduan, beraz, inolako talde-arau ezta akordiorik egin gabe talde barneko funtzionamendua apartekoa izan da.



Azkenik, izan ditudan taldekideak pasaden urtean zenbait lanetan koinziditu ginenez, jada ezagutzen ginen eta horrek gure arteko antolaketa asko erraztu du.

Taldekideen ebaluazioak


AURKEZPENEN KOEBALUAKETA
1.Taldea:9

COBO PEREZ, MIREIA
CORTES GOIRI GARAZI
DE JESUS CASILLAS, MARIA
DE PRADO ASIAIN, LEIRE

Talde honek egindako aurkezpena nahiko entretenigarria izan zen, Informazioaren gizartetik ezagutzaren gizarteraren gaia egokitu zaie eta nire ustez, nahiko ondo egokitu dituzte jorratu beharreko arloak. Ahozkotasun alderdiari erreparatuz, euskara maila oso egokia izan da aurkezpen osoan zehar.

Naturaltasuna nagusitu egin da, izan ere, informazioa eta materia oso ondo menperatzen dutela demostratu dute, eta ikusi da aurkezpena ez dela buruz ikasitako informazioa  bat-batekoan esatea besterik. Estrategia desberdinak erabili zituzten jendearen arreta deitzeko eta horrekin, entzuleek haria ez galtzea lortu zuten, hortaz, ebaluazio oso positiboa izan dela esan beharko nuke.
2.Taldea:7,5

DIEGO PRIETO, ESTER
DIEZ GUERRERO, MAIDER
DIEZ JAMBRINA, GONTZAL
EELES DERTEANO, MIREN
Talde honen aurkezpena orokorrean ona izan da, tonu egokia erabili dute eta nahiz eta jorratutako gaia pixkat aspergarria izan, ondo defendatu dira azalpenak emateko orduan. Azalpenari dagokionez,  egokia izan da, baina formalegia agian. Hala ere, naturaltasunez jardun dira aurkezpen osoan zehar eta transmititu duten informazioa interesgarria, ordenatua eta zehatza izan da.
Aurkezpena egiteko prezi euskarri digitala erabiltzea erabaki dute, eta horretarako klase orduetatik kanpo geratu dira.   Goikaldean, aurkezpena era entretenigarri batean burutu dutela esatean, honako honi egiten genion erreferentzia: musika jarri dute aurkezpen osoan zehar, fondo modura. Honek armonia giroa sortu du klasean eta ez-ohikotik at ateraz, klasea adi egotera eraman du.
3Taldea:8

EGUIGUREN GARCIA, ASIER
ELORRIAGA URAZURRUTIA, JOANA
ESTRELLA RUIZ, LARA
ZUBIARRAIN ZABALA, NAIA
Nahiko lasai sumatu ditugu hirurak aurkezpena egitera irten diren momentuan, eta gero ere, horretan zebiltzala, ez dugu urduritasun punturik igerri. Aipatzekoa da, aurkezten ari ziren heinean, taldekideak alboko mahaietan eseriz joan direla eta horrek begitan jo digu, aspektu nebatibo moduan.
  Alderdi ezberdinei erreparatuz, orokorrean nahiko aurkezpen dezentea bete dute. Ahozkotasunari dagokionez, tonalitatea eta argitasuna ona izan da, nahiz eta lotsa apur bat igerri egin den zenbait partaideetan. Hala ere, 5 puntutik 4 puntuatuko genieke alderdi honetan. Aurkezpenean emandako azalpena egokia izan da, baina bati, bereziki, nabaritu egin zaio naturaltasun gehiagorekin egin duela, beste biekin alderatuz, agian askatasun handiagoarekin hitz egiten duelako euskaraz.  Hala eta guztiz ere, eta irakurritako orrien eta diapositiben xehetasuna alde batera utziz, espontaneidadea nagusi izan da.
Azkenik, lan hau egiteko Power-point-az baliatu dira eta esan beharko nuke nahiko osatuta egon dela aurkezpena.
4.Taldea:8,5

ETXEANDIA CONDE, AITOR
FERREIRO GARCIA, MYKENE
GARCIA ARRIOLA, EKAITZ IKIÑI
GARCIA DURAN, MAITANE

Laukote honek bete duen aurkezpena eguneko laugarrena izan da. Gure aburuz, nahiko ziur eta lasai aurkitu ditugu taldekideak, aurkeztera zihoazen lana konfiantza osoz harturik. Klaseko giroa nahiko desmotibatuta sentitu dugu, eta pentsaraztera eraman gaitu agian luzeegia egiten dela egun berean aurkezpen luze asko entzutea. Egia esateko, lehenengo ilaratako jendea nahiko adi egon da, errespetu osoa bermatuz aurkezten ari zirenei.

Taldekideekin hizketan egon ondoren, zenbait esparruri buruz mintza izan zaizkigu. Alde batetik, lanaren banaketa egiterako orduan hartutako erabakiak azaldu dizkigute. Egokitutako materiala testu bat eta bideo bat izanik, bikoteka jartzea erabaki dute eta bik testua eta beste bik bideoa landu dute. Zailtasun batzuk suertatzearen ondorioz, pertsona bakarrak landu du bideoa, izan ere, ingelesez baitzegoen eta beste bikotekideak zailtasunak zituen hizkuntza honen ulermenarekin.
5.Taldea:7

GARCIA GARCIA, NEREA
GARCIA GONZALEZ, AINGERU
GARCIA HUERGA, UNAI
GARCIA MOLINA, JON
SAEZ LINERO, DANI

Betetako lana oso egokia izan da, izan ere, informazioa ordenatuta ageri izan da aurkezpen osoan zehar eta erabilitako power point-aren huts egite gutxi batzuetaz aparte, aurkezpenean landutako informazioa zuzena izan da zegokien gaiarekin loturik. 

Testu bakarra lantzea egokitu zaio talde honi, eta lanaren banaketa egiterako orduan guztira zenbat orri dauden kontatu dute eta gero banatu egin dituzte,  bakoitzari 5 orri egokituz. Zozketa egin dute bakoitzak zein orrialde landuko duen jakiteko. Honen ondoren, bakoitzak egokitu zaion zatiari buruzko laburpena egin du eta ondoren, ideia nagusiak atera. Azkenik, bakoitzak landutakoa diapositiba batean islatu du. Taldekideetako batek, power point-ari errepasoa eman dio azkenekoz.

Testu bakarra lantzea egokitu zaio talde honi, eta lanaren banaketa egiterako orduan guztira zenbat orri dauden kontatu dute eta gero banatu egin dituzte,  bakoitzari 5 orri egokituz. Zozketa egin dute bakoitzak zein orrialde landuko duen jakiteko. Honen ondoren, bakoitzak egokitu zaion zatiari buruzko laburpena egin du eta ondoren, ideia nagusiak atera. Azkenik, bakoitzak landutakoa diapositiba batean islatu du. Taldekideetako batek, power point-ari errepasoa eman dio azkenekoz.
6.Taldea:7,5

GASTESI GARCIA, ANDER
GOIENETXE AZCUENAGA, ANE
HERNAEZ MATA,  JOSU
IBARRONDO MARTIN, XABIER

Talde honek "Gizarte pantaila anitzen" gaia landu du, horretarako egun batzuk eman dituzte jasotako testuak irakurri, laburtu, landu eta aurkezpena prestatzeko. Aurkezpena egiteko power point-a erabili dute, hainbat diapositibetan irudi eta laburpen txikien laguntzaz ikusleei gaia era interesgarri baten aurkezteko asmoz.

7.Taldea:8

IBARZABAL DAÑOBEITIA, ASIER
IRIARTE ARIZNABARRETA, LAURA
ISASI RAZQUIN, JOSU
LANDETA MARTINEZ, ASIER

Talde honek WEB 2.0 gaia landu dute, horretarako egunak eman dituzte jasotako testuak irakurri, laburtu, landu eta aurkezpena prestatzeko. Aurkezpena egiteko power point erabili dute, hainbat diapositibetan irudi eta laburpen txikien laguntzaz ikusleei gaia era interesgarri baten aurkezteko asmoz. 

WEB 2.0 ikasgelan nola txertatu azaldu dute eta baita dakartzan gauza on eta txarrak ere. Irakasleok izango garenoi informazio baliagarria aurkeztu digute eta arreta bistea lortu dute. 

Orokorrean, talde honek lan dexentea egin du, beraz, nire balorazioa positiboa izan da.
8.Taldea:6,5

LARRAMENDI UBILLOS, JON
LARRAZABAL HIDALGO, AGUEDA
LARREATEGUI ABAD, ION
LEGORBURU IZURIETA, AIMAR
LOPEZ SESTO, ALAZNE

Talde honi egokitu zaion gaia, Web 2.0 gaia izan da. Gai honi buruz landu beharreko hainbat testu izan dituzte.

Talde honek, testuei buruzko lana egin ondoren, lanaren aurkezpen bat egin behar izan zuen. Talde honek aurkezpena bideo bidez egin zuen, bideo honetan, azalpena emateko, irudien laguntzarekin batera, beraien ahotsak sartu dituztelarik.
Bideoa ondo planteatuta bazegoen ere, nire ustez talde honek ez du beste taldeen modura lan egin, ahozko azalpenik ez dutelako egin eta horrek nire aburuz, balio gehiago dauka.

9.Taldea:8

LUPERENA LOBATO, AITZIBER
MACHO EGUIARTE, HILARGI
MAGUREGUI VILLALAIN, IZARO
MARDONES GOJENURI, MARINA

Bestalde, talde honek egin duen lanean oinarrituz, Prezi bat egin dugu haiek egindako lanetik informazioa hartuz. Prezi honetan, taldekideen izenak eta haien argazkiaz aparte, landu duten gaia, azpigaiak eta hitz gakoak jarri ditugu. Hala ere, haiek egin duten lana bertan errefejatuz aparte, lan honi buruzko gure ondorio propioak atera ditut.

Honetaz gain, lana egin ondoren, talde honek aurkezpena egin zuen. Aurkezpen hau egiteko bideo bat erabili zuten, eskolan dauden umeei buruzko irudiekin etb. ekin batera haiek ahotsak sartu dituztelarik. Bideo hau ere Prezian ikusteko aukera duzue.
10.Taldea:7,5

MONROY BAUTISTA, NATALIA
MONZON MENDIOLEA, ANE
MORALES GARRIDO, GONZALO
OLIVER GONZALEZ, NEREA

Talde honek landu behar izan duen gaia konpetentzia digitala izan da. Ikaskide hauek erabaki dute aurkezpen bat egin beharrean, hau da, jende aurrean hitz egin beharrean, bideo baten bidez aurkezpena egitea. Ahotsa alde batetik egon da, eta prezzi baten laguntzarekin testua eta honen inguruko azalpenak ikusi ahal izan ditugu.

Baliabide hau erabiliena izan da orokorrean, ez dakigu hau IKT-ak klaseetan sartzeko asmoarekin edota lotsa ez pasatzeko asmoarekin egiten duten lanak aurkeztu behar dituztenak, baina gaiak aurkezteko beste modu bat besterik ez da. Esan beharra dago hasiera batean interesgarriagoa egiten duela bideo batek gai baten aurkezpena, baina hau talde guztiek egiten duten heinean honen erakargarritasuna galduz doa.

Hau gutxi izango balitz ikus-entzuleek kontzentrazioa galtzen duten momentuan, inor ere ez  dagoenez hitz egiten (bakarrik bideoa), albokoarekin berbetan hasten dira inori errespetua faltatzen egongo ez balira bezala baina hau ez da horrela.

Talde honen partaideak nahiko urduri jarri dira hasieran, baina poliki-poliki zentratu egin dira eta lan dexentea aurkeztu dute.
11.Taldea:7

ORTEGA ARIAS, ITZIAR
PALAZUELOS GUTIERREZ, ELOIE
PEREZ ARBAIZAGOITIA, JOSU
PRIETO GONZALEZ, EKAI

Talde honek aurkezpena prezzi baten bidez ematea hautatu du. Azken taldea denez, gainerako 
ikasleak nahiko “desesperaturik” daude eta hauen atentzio falta nabaritu egin da. 
Irakasleak atentzioa deitu behar izan du jendea isildu zedin eta hau nahiko penagarria iruditu zait. Horregatik uste dut talde honek desabantaila handia izan duela aurkeztea tokatu zaien momentuagatik, baina hala ere, (urduritasun batzuk kontutan hartu gabe) ondo egin dute beraien lana.

12.Taldea:8

RETA SANTOS, EIDER
RIOS YANGUAS, MARKEL
RODRIGUEZ GONZALEZ, MIKEL
 RODRIGUEZ VELEZ, ITZIAR

Talde honi egokitu zaion gaia  konpetentzia digitala izan da, horretarako aurkezpena“Powtoon” programaren bidez egin dute. Aurkezpen bat egiteko era aldizkako bat da. Hasiera batean zerbait berria denez, klase guztiaren atentzioa bereganatzen du eta beraien mezua denongana heldu da. 

Gaiari dagokionez oso interesgarria izan da eta bertan testuetatik lortu behar izan duten informazioa ondo kudeatuta egon da. Izan ere, aurkezleek esan duten bezala, irakurri duten testuko informazioa nahiko errepikakorra izan da eta honez gain, aurkezpen interesgarria izatea lortu dute.

13.Taldea:7,5

RUIZ DE LOIZAGA SARRIA, HAIZEA
SAGASTI ARANGUREN, ZIORTZA
SALCEDA MONEO, AIALA
SANCHEZ RUIZ , OLAIA

Talde honen gaia konpetentzia digitala izan da ere, eta aurreko taldeak erabili duen programa berdina erabili dute, “Powtoon”. Esan dugun bezala, aurkezpena programa honen bidez interesgarria zein baliagarria izan daiteke, baina asko jarraian ikusteko nekagarria bihurtu daiteke, guztiak nahiko antzekoak direlako.

Oso ondo moldatu dira programa berri hau erabiltzerako orduan, aurreko taldeak egin duen bezala, nabaritu da gure praktika klaseetan ez dugula horrelakorik egiten ikasi eta beste motatako baliabideak erabiltzen ditugula aurkezpenak egin nahi ditugunean. Hori dela eta, Alaitz harritu egin da zer nolako erraztasuna duten ikustean programa berri hau erabiltzerakoan, eta zelan erabili duten hainbeste taldek.
15.Taldea:8

SANTAMARIA ALONSO, AMAIA
SANTAMARIA MARTINEZ, GORKA
SECO DIEZ, ANDREA
ZUBIARRAIN ZABALA, NAIA
Testuak landu ondoren, testuen aurkezpenari ekin ziote. Bideo bat egitea erabaki zuten, azalpen guztiak argien adierazteko. Bideoaren eraketari dagokionez, egun batean gelditu ziren bideoan landuko zituzten ideiak komunean jartzeko eta azaldu behar zuten informazioa audio baten bitartez azaltzeko. Movie maker programa erabili dute bideoa egiteko eta esan beharra dut oso polita eta argi gelditu zaiela.
Alde batetik, ahots kontrasteak erabiltzeak, gainerako ikasleen atentzioa deitu du baina gero bideoa aurrera joan ahala, atentzioa galtzen joan dira. Beraien errua ez bada ere, informazio asko jasotzen duen bideoa izan denez, deskonexioa tarteak egon dira informazio trukatze horretan erlaziorik ez delako egon aurkezpena egiten dutenen eta gainerakoen artean.
Hala ere, gainerako aurkezpenekin konparatuz zer egin duten, zein euskarritik hartu duten azaldu duten talde bakarri izan da, hortaz, puntu interesgarria iruditu zait.

16.Taldea:7,5

SUSPERREGUI GAMBOA, JUNCAL
TAVERA RECART, IÑAKI
TERRON PRIETO, TATIANA
URBANO ACEBEDO, JON 

Testuen lanarekin amaitu eta gero, honen aurkezpena burutzen hasi ziren. Bertan, Pow Toon programa erabiltzea erabaki zuten, inoiz erabilitako euskarria zela eta entzuleengan adimena pistuko zuela kontuan hartuta. Guztion artean, aurretik landutako testuetatik ateratako informazioa erabiliz, bideoa osatzen hasi ziren eta efektu eta irudi bereziz bideoa animatu zuten.

Nire iritziz, aurkezpen hau nahiko lortua egon da,lehen esan dudan bezala, egokitutako hiru testuen laburpen sinple eta orokor bat lortu dutelako eta entzule askoren adimena erakarri dutelako, bideo  marrazki eta efektu berezi berriz lagunduta. Hala eta guztiz ere, nire ustez, hobe egongo litzateke kideek bideoko puntu batzuei ahozko azalpena emango baliete. Alde batetik, puntu zehatz batzuen ezaugarri gehiago edo azalpen zabalagoa emateko, eta beste aldetik, bideoa hain monotonoa ez izateko, bideoa aurrera joan ahala entzuleak adimena galtzen joan direla kontuan hartuta.
17.Taldea:8,5

VALTIERRA CALVO, UNAI
VELASCO VALBUENA, NEREA
YELAMOS MARCOS, CRISTINA
VAZQUEZ, GERMAN

Testuak landu ondoren, testuen aurkezpenari ekin zioten. Aurkezpena egiteko "emaze programa" erabili dute. Lan egiteko modu hau haien praktikako irakaslearekin ikasi dute. Askok ez genuen ezagutzen baina gero azaldu dute eta ikusi dugu pezi antzekoa dela. Aurkezpena,  era tradizionalean egin dute gutxi gora bera, jarri dute emaze-a eta azaltzen joan dira taldeko partaideak banan bana. Azkenean oso ondo egon da eztabaida bat sortu dutelako klasean eta talde osoaren partaidetza bultzatu dute.
18.Taldea:9

ZABALA LEZETA, LEIRE
ZARRAGA EGAÑA, AMETS
ZARRAGA ELLACURIA, XABIER
ZARRAGA ZABALZA, IRAITZ

Konstruktibismoaren amaierako pausua, komunikazio kanpaina da, hau da; aurkezpena. Egia esan, beraien lanarekin ahots zabalik utzi naute, ze kristolako pausu erraldoia eman dute. Aurkezpena ikusi baino ez dago.
Bestalde, egokitu zitzaizkigun testuei begira, nahiko errepikakorrak iruditu zaizkigu, guztiek gaia perspektiba beretik jorratzen baitzuten. Gainera, PowerPoint-aren informazioa ateratzeko, zailtasunak izan ditugu ideiak edo argazkiak baino ez zirenez ateratzen ez gaude oso ziur autoreak esan nahi zuena ulertu dugun ala ez. Orokorrean, material interesgarria izan da irakurritakoa, baina gehiegi zela ere iruditu zaigu. Hala ere, testu horiek irakurrita, gai izan gara IKT-ek gizarteari eta beraz, eskolari eman diezazkiekeen etekinak. Kontuz ibili beharko ginateke horrekin eta trebakuntza handia jasoz apurka-apurka eskola testuinguruan txertatu.

9.SAIOA (Abenduak 18)

Gaur IKT-eko azken saio teorikoa izan dugu, bertan, Alaitzek bideo bat ipini digu: bertan, Juana Sanchok, IKT-ko adituak zenbait gomendio zehazten dizkigu:
Geroago, beste bideo bat ikusi dugu, honakoa Jordi Adell-ena izan da, oso interesgarria. Ikus ezazue:
Beranduago, IKT-ko hausnarketa egin dugu ikaskide guztiekin ahozgora, bakoitzak ikasi duena azalduz eta interesgarria izan da oso taldekide desberdinek esan dutena: batzuek, informatikako programa batzuk hobeto ulertzeko, beste batzuk aldiz, programa batzuk ezagutzeko edota programa desberdinen erabilera desberdinak praktikara eramateko esan dute.

domingo, 14 de diciembre de 2014

Lau eta erdikoa



FINALA GALDUTA

Aimar Olaizola: 'Irujok merezimendu osoz irabazi du'



Txapelketa osoan zehar nabaritutako 'nekea' sentitu duela onartu du Olaizola II.ak. Hala ere, Goizuetako pilotariak ez du uste adin kontua denik.

Juan Martinez de Irujo zoriondu du Aimar Olaizolak, Lau t´erdiko txapeltektako finala haren kontra galdu ostean (22-17), eta "merezimendu osoz" irabazi duela aitortu du. Aurten ere hiru txapelak eskuratuta, "historia" egin du Irujok, Aimarren ustez.
Goizuetakoa ez da ondo ibili finalean. Txapelketa osoan zehar esandakoari jarraiki, "nekatuta" egon da Aimar Olaizola, baita finalean ere. "Ongi ez zaudenean, beste modu batez jokatu behar duzu", esan du pilotariak. Gauzak horrela, beste modu batez jokatzen saiatu da Olaizola, baina ezin izan dio Irujoren aurka ezer egin.
"Hainbeste huts" egin izanaz damutu da Aimar Olaizola. Hala ere, ez du uste "adin kontua" denik. "Espero dut ezetz", gehitu du.

jueves, 11 de diciembre de 2014

8.SAIOA (Abenduak 11)

Gaurko saioan dokumentatzaileek aste batzuetan zehar egindako lana aurkeztu dute. Talde hauen eginkizuna nahiko latza zen: gainerako taldeek egindako aurkezpena eta hura burutzeko aurretiko lana ikertzea, aztertzea eta baloratzea.

Guztira lau talde egon dira funtzio hori betetzen, eta batzuk beste batzuk baino ordu gehiago dedikatu dutela nabari bada ere, guztien lana ondo estrukuratuta eta azalduta egon da.

Dokumentatzaileek blog bat sortu dute ikaskideen lana baloratuz eta horrez gain, ikasle bakoitzaren blog-pribatuaren estekak eskuragarri jarri dituzte.

lunes, 8 de diciembre de 2014

Musika talde berria

GUDA DANTZA-ren diska berria salgai!




Alain (abeslaria), Xabi (baxujolea), Basañez anaiak(Jon:tronpetajolea eta Ander:baxujolea)eta Maguregi anaiak (Jon:kitarrajolea eta Iker:bateriajolea eta koroen abeslaria) gazteez osatutako SKA talde honek "Aro Berria" izeneko diska berria plazaratu du Azaroaren 18an, hortaz, urte honetako Durangoko azokan gogotsu izan dira diska berriak saltzen eta hori gutxi bada ere kontzertu bat eskaini dute 2014ko Abenduaren 8an honako diska honen abestien berri izateko.
Guda Dantza


sábado, 6 de diciembre de 2014

Durangoko azoka

Hiru egun intentso bizi izan ditugu eta laugarrenari ekin aurretik, hona hemen aurtengo Azokaz prentsaurrean egindako balorazioaren laburpena.
Balorazio prentsaurreaAzokaren zenbakiez aparte, azoka zelan joan den da garrantzitsua. Azokak entzun egin du, inoiz baino gehiago, berba eman dielako kulturgintzako protagonistei. Azokan berba egin da hizkuntza hautuaz, sostengu ekonomikoaz eta transmisioaz (egingo da, egunean zehar). Azoka bizi egin da, eta bizipen anitzez bete dute gogoa bisitariek. Azoka busti egin da, euriarekin, bai, baina baita pertsona asko eta askoren lanarekin. Azoka bete egin da sorkuntzaz.
Datuetan sartzen hasita: dagoeneko (goizeko 10:00etan) iazko bisitarien kopurua gainditu dela aipatu daiteke, bereziki, Ikasle Egunean antolaketan egin den ahaleginak erantzun ona izan du, iazko joan-etorrien kopuruak bikoiztu egin direlako.
Gogoetaren plazan, sektorearentzako beharrezkoak diren hausnarketak entzun dira, jendeak ondo erantzun du eta arretaz entzun ditu orain artekoak. Baina, datorren urtera begira, sektorearekin aurretik egon eta eurei zuzen zuzenean eragiten digun gaiak lantzeko beharra igartzen dugu.
Azoka berriro izan da arrakastatsua. Arrakastatsua izan da, sektoreari lagundu diolako sorkuntza eta produkzioa ikusgarri egiten eta salmentei eutsi egin zaielako. Arrakastatsua izan da sortzaileen eta publikoaren arteko harremana estutzen lagundu duelako. Eta arrakastatsua izan da, antolatutako ekitaldiak ikus-entzulez bete egin direlako.
Kulturaren Plazaren ibilbidea
Durangoko Azokak eskaintzen duen ibilbidean sortzaileak eta publikoa parez-pare egoten dira. Horrek izaera berezia ematen dio Durangori eta horregatik sortzaileek euren lekua dela sentitzen dute azoka. Szenatokitik, hori nabarmendu dute: sortzaile eta ikusleen arteko harremana eta sortutako giroa antzezlanetan eta aurkezpenetan.
150 ekitaldiko eskaintzari esker, egitarau oso bati begira dator. Azokazaleak, beraz, Durango Hiriak eskaintzen dien kultur ibilbidea irudikatu du bere buruan eta hori garrantzitsua da. Irudienean, ordu guztietan ez, baina bete egin da egunero zine aretoa. Saguganbarak gainezka egin du behin baino gehiagotan. Kabi@n ere kultura digitala gero eta garrantzia handiagoa

hartzen ari dela ikusten dute.
Topagune den heinean, Plateruenak azokazaleak hartu ditu goizetik gauera, eta gaueko kontzertuak eta ikuskizuna arrakastatsuak izan dira. Azoka TBk aurten platoa eta programazio propioa eduki ditu, azoka amaitzerako 32 saio ekoitziko ditu zuzenean. Elkarlana estua izan da erreferentziazkoak diren hiru hedabideren artean, gainera: Goiena, EITB eta Hamaika Telebista.
Ahotseneak aurten bi karpa ipini ditu, sortzaileen eskari kopuru handiagatik. Erantzuna eman diogu beharrizanari eta ekitaldi gehienak ikus-entzulez bete dira. Hurrengo urtera arte daukagu astia patxada gehiagoz lantzeko gaia da baina batez ere parte hartzea da nabarmentzekoa.
Industria, pozik
Amets Rodrigez (Musika Industria Elkartea), gustora agertu da: salmentak mantendu dira, batez ere proposamen berriei esker, eta Ahotseneak egitaraua handitzeak lagundu du, adierazi duenez. Olatz Osak ere (Euskal Editoreen Elkartea) balorazio positiboa egin du, jendea etorri delako eta salmentak iazko kopuruetan mantendu direlako, esan duenez. "Eskerrak antolatzaileei, gero eta azoka aberatsagoa antolatzen da; eskerrak jendeari, babesagatik".
Konpontzekoak ere bai
Kulturaren plazak ibilbidea txukun egin du. Balorazioa oso positiboa da, baina dimentsio honetako ekitaldi baten izaten dira konpondu beharrekoak. Proiekzio batzuk ez dira nahi ziren kalitatean eman eta horrek sortzaile batzuk mindu dituela badakigu eta barkamena eskatu nahi genieke publikoki.
Eguraldia ez da gure esku dagoen zerbait eta aurtengo euri zaparraden ondorioz izan ditugu arazo batzuk itoginekin. Arazoari momentuko erantzuna eman badiogu ere, dagokiona badago jakinaren gainean konponbidea emateko. Leku batetik bestera egon den tenperatura aldaketa handiak ere zeresana eman du. Datorren urtera begira, beraz, bada hobetu beharrekoen zerrendan apuntatzekoa.
Sektorearen erreferente da Duragoko Azoka. Hitz egin dugu euretako askorekin aurtengo edizioa zelan bizi izan duten jakiteko. Eta guztiak bat datoz ideia nagusi batekin: kultur sorkuntza eta industriaren produkzioa bistaratzeko plaza ezinbestekoa bihurtu dela Azoka.
Datorrena, 50. edizioa
Egun osoa falta da Azokak ateak itxi aurretik. Baina hasi gara aurrera begirakoak aztertzen. Finantziazioari dagokionez, aurten hasitako lanketa ez dela amaitu esan dezakegu. Kulturgintzan eragin eta batez ere gazteak erakarri nahi baditugu luzera begira egin behar dugu lan. Denon artean lortu behar dugu kultura bultzatzea neurriko inbertsioak eginez.
Bestetik, 50 urte beteko ditu Durangoko Azokak datorren urtean eta Gerediaga Elkarteak ere bai. Ospakizun handia izatea gustatuko litzaiguke. Baina era berean, eta atzera begira jarriko garen arren, etorkizuneko Azokaren antolakuntzan etengabeko hobekuntza oinarri izatea lehenetsiko dugu.
Amaitzeko, eskerrak guztiei: Gerediaga Elkarteko langile eta bazkideetatik hasita. Eskerrik asko guneetako ordezkariei. sortzaileei, industriari eta publikoari. Aipatu ditudan guztiak barik, ez litzateke horrelako Azokarik egingo.